تخلص من القلق بخطواتٍ بسيطة

كلنا بنتمنى نعيش حياة هادية وخالية من المشاكل. وبنحلم براحة البال والشعور بالأمان، لكن القلق من اللي جاي، ومن اللي ممكن يحصل لنا بيخلينا خايفين ومش عارفين نعيش حياتنا صح. إيه العمل؟

في البداية، يقدم لنا خبراء علم النفس والصحة النفسية حلولًا بسيطة وسهلة تجعلنا نتغلب على أسباب القلق، ونحمي نفسنا من هموم كتيرة مفيش ليها أي سبب منطقيLogical Reason .

على الرغم من ذلك، يجب أن نعلم أن ثمة قلق مفيد يحفزنا على النجاحSuccess  واتقان العمل، وفيه قلق مضر بيدمر حياتنا، وصحتنا، وبيدفعنا للفشلFailure . القلق المفيد هو اللي بيخلينا ندور عن حل لمشاكلنا، والقلق المضر بيخلينا نزود مشاكلنا.

أهم الخطوات البسيطة للتخلص من القلق

من الخطوات البسيطة التي يقدمها لنا الخبراء والمتخصصون أن نفهم طبيعة القلق وأسبابه. يعني لما ينشوف ناس بيبالغوا في الخوف من المستقبل ومن اللي ممكن يحصل بعد كده، أو بيتشاءموا وعايشين بفكرة إن الكوارث مستنياهم، لازم يفهموا إن كل ده خطر على صحتهم، وبيؤثر على أخلاقهم وعلاقتهم مع الناس، وبيحرمهم من النوم والراحة، وبيخليهم عايشين في توتر باستمرار، وبيتسبب في مشاكل أكتر من اللي بيقلقوا منها.

 كيف نخلص أنفسنا من القلق؟

عشان نتخلص من القلق، لازم نغير سلوكياتنا، ونحاول نكتسب مهارات جديدة، ونمارس رياضة، ونكتب أهدافنا ونحرص على تنفيذها. ممكن كمان نصاحب ناس فكرهم راقي وسلوكياتهم إيجابية، ومفيش مشكلة لو شفنا برامج ترفيهية، وممكن نخصص وقت محدد للاسترخاء، والتأمل لأن كل ده هيخلصنا من الطاقات السلبية.

أيضًا، من أهم العلاجات المطروحة والفاعلة لعلاج القلق هو إدارة الوقت. لماذا؟ لأن القلق غالبًا يكون نتيجة عدم إنجاز أعمال مهمة تراكمت علينا لدرجة إن إحنا بدأنا نشك في قدرتنا على أدائها، وبنكون خايفين من إن إحنا ما نقدرش ننجزها في وقتها. هنا كمان لازم نغير طريقة تفكيرنا، ونتحكم في رد فعلنا وطريقة تعاملنا مع الناس عشان نجنب نفسنا مشاكل كتيرة بتساعد القلق في إنه يتمكن مننا.

وختاماً، ينصحنا المختصون بعدم تعاطي أدوية للقلق لأن مشاكلها كثيرة، منها الآثار الجانبية، والمشكلات اللي بتتسبب فيها بعد زوال مفعولها، إلا لو استشرنا طبيب واختار لنا طريقة مناسبة للعلاج. بعض اللي بيعانوا من القلق بيفكروا في تجريب طرق ووصفات تقليدية وشعبية منها الأعشاب، ومنها ممارسة بعض الطقوس والشعائر الدينية. يلا نختار الحل اللي هيساعدنا في التخلص من القلق ونعود نفسنا عليه، ونلتزم بيه.